Qazaqstan Respýblıkasy Bilim jáne ǵylym mınıstrliginiń buıryǵy  № 251

2016 jylǵy 6 sáýir, Astana qalasy «Oqýlyqtardyń, oqý-ádistemelik keshenderiniń, quraldarynyń jáne basqa da qosymsha ádebıetterdiń, onyń ishinde elektrondyq jetkizgishtegileriniń tizbesin bekitý týraly» Qazaqstan Respýblıkasy Bilim jáne ǵylym Mınıstriniń mindetin atqarýshynyń 2013 jylǵy 27 qyrkúıektegi № 400 buıryǵyna tolyqtyrýlar engizý týraly buıyramyn: 1. «Oqýlyqtardyń, oqý-ádistemelik keshenderiniń, quraldarynyń jáne basqa da qosymsha ádebıetterdiń, onyń ishinde elektrondyq jetkizgishtegileriniń tizbesin bekitý týraly» Qazaqstan Respýblıkasy Bilim jáne ǵylym Mınıstriniń mindetin atqarýshynyń 2013 jylǵy 27 qyrkúıektegi № 400 buıryǵyna (Qazaqstan Respýblıkasynyń normatıvtik quqyqtyq aktilerdi memlekettik tirkeý tiziliminde № 8890 bolyp tirkelgen, «Egemen Qazaqstan» gazetiniń 2013 jylǵy 28 qarashadaǵy № 263 (28202) sanynda jarııalanǵan) mynadaı tolyqtyrýlar engizilsin: kórsetilgen buıryqpen bekitilgen oqytý orys tilindegi 1-11-synyptarǵa arnalǵan oqýlyqtar men oqý-ádistemelik keshender tizbesinde: «7-synyp» mynadaı mazmundaǵy rettik nómirleri, 78-79, joldarmen tolyqtyrylsyn: « 78 Qazaq tili. Oqýlyq. 7-synyp T. Artyqova, G. Ermekbaeva 2016 Atamura 79 Fızıka. Oqýlyq. 7-synyp R. Basharuly, Ý.Toqbergenova, D. Qazaqbaeva 2016 Atamura »; «8-synyp» mynadaı mazmundaǵy rettik nómirleri, 176-178, joldarmen tolyqtyrylsyn: « 176 Qazaq tili. Oqýlyq. 8-synyp T. Artyqova, G. Ermekbaeva 2016 Atamura 177 Qazaq tili. Oqýlyq 8-synyp S. Jumanova 2016 Mektep 178 Qazaq tili. Oqýlyq 8-synyp S. Dúısebaev, A. Qoshqarı, G. Baıtileýova, G. Boranbaeva 2016 Mektep »; kórsetilgen buıryqpen bekitilgen Quraldar tizbesi, mynadaı mazmundaǵy rettik nómirleri, 145-146, joldarmen tolyqtyrylsyn: « 145 Zaıyrlylyk jáne dintaný negizderi Ǵ. Esim, E. Smaǵulov 2016 Bilim 146 Svetskost ı osnovy relıgıovedenııa. Ýchebnık. 9 klass Esım G., Abýov A., Smagýlov E. 2016 Bilim ». 2. Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıteti (S.N. Nıýsýpov) zańnamada belgilengen tártippen: 1) osy buıryqty Qazaqstan Respýblıkasy Ádilet mınıstrliginde memlekettik tirkeýdi; 2) osy buıryq memlekettik tirkelgennen keıin kúntizbelik on kún ishinde «Ádilet» aqparattyq-quqyqtyq júıesinde jáne merzimdi baspa basylymdarynda resmı jarııalaý úshin elektrondyq tasymaldaǵyshta eltańbaly mórmen kýálandyrylǵan qaǵaz danasyn qosa bere otyryp joldaýdy; 3) tirkelgen osy buıryqty alǵan kúnnen bastap bes jumys kúni ishinde Qazaqstan Respýblıkasy Bilim jáne ǵylym mınıstrligi mórimen rastalǵan jáne osy buıryqqa qol qoıýǵa ýákiletti adamnyń elektrondyq sıflyq qoltańbasymen kýálandyrylǵan baspa jáne elektrondyq túrdegi kóshirmelerin Qazaqstan Respýblıkasy normatıvtik quqyqtyq aktileriniń etalondyq baqylaý bankine engizý úshin joldaýdy; 4) osy buıryqty Qazaqstan Respýblıkasy Bilim jáne ǵylym mınıstrliginiń resmı ınternet-resýrsynda ornalastyrýdy qamtamasyz etsin; 5) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin on jumys kúni ishinde osy tarmaqtyń 1), 2), 3) tarmaqshalarynda kózdelgen is-sharalardyń oryndalýy týraly málimetterdi Qazaqstan Respýblıkasy Bilim jáne ǵylym mınıstrliginiń Zań departamentine usynýdy qamtamasyz etsin. 3. Oblystardyń, Astana jáne Almaty qalalarynyń Bilim basqarmalary osy buıryqty bilim berý uıymdarynyń nazaryna jetkizsin. 4. Osy buıryqtyń oryndalýyn baqylaý Qazaqstan Respýblıkasy Bilim jáne ǵylym mınıstrliginiń Bilim jáne ǵylym salasyndaǵy baqylaý komıtetiniń tóraǵasy S.N.Núsipovke júktelsin. 5. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi. Qazaqstan Respýblıkasy Bilim jáne ǵylym Mınıstri E.SAǴADIEV Buıryq Qazaqstan Respýblıkasynyń Ádilet mınıstrliginde 2016 jylǵy 14 sáýirde Normatıvtik quqyqtyq kesimderdi memlekettik tirkeýdiń tizilimine №13593 bolyp engizildi.